MANCHESTER UNITED SASA KAZI NI MOJA YAIUA MANCHESTER CITY 4-2

Mashabiki wa timu ya mashetani wekundu wamejawa na furaha na starehe kubwa baada ya Manchester United kuwabonda Jirani zao Manchester City Bao 4-2 katika Mechi ya Ligi Kuu England.

Ushindi huu wa Man United umewachimbia Nafasi ya 3 wakiwa Pointi 1 nyuma ya Timu ya 2 Arsenal na Pointi 4 mbele ya City ambao wako Nafasi ya 4.

Pia ushindi huu umemaliza uteja wa Man United wa kufungwa Mechi 4 mfululizo katika Dabi ya Manchester na kuhakikisha pia ile historia ya kutofungwa mara 5 mfululizo na Mpinzani yeyote inadumishwa.

MAGOLI YA MAN U 4

-Ashley Young, Dakika ya 14

-Marouane Fellaini 27

-Juan Mata 67

-Chris Smalling 73

MAGOLI YA MAN CITY 2

-Sergio Aguero, Dakika ya 8 na 89

*****************

Kipigo hiki kwa City kimeleta hali tete kabisa kwani ni kipigo chao cha 6 katika Mechi 8 na hii itafanya Meneja wao Manuel Pellegrini kuwa tumbo joto.